Utstyrstest

Om ei vekes tid skal eg på langtur. Laksefjordvidda er det primære målet, om veir og føre er på mi side. Men uansett kvarhen eg endar opp so blir det fine naturopplevingar og masse kjekk offroading med den gamle Hondaen min. Og hvis eg er ekstra heldig får eg kanskje aure eller røye på kroken! Men når ein er på langtur so er det viktig at utstyr ein har med seg fungerar slik ein har tenkt. Det verste som kan skje er at noko essensielt enten blir ødelagt eller ikkje fungerar medan ein er midt inne i ingenmannsland.

Klok av skade er eg difor noko forsiktig med å pakke med meg utstyr som eg ikkje har testa i forkant. Spesielt utstyr relatert til matlaging og campingliv er eg skeptisk til. Hvis du er på tur og har med deg utstyr som framleis ligg i originalemballasjen sin, so spelar du eit høgt spel!

Difor er eg på ein liten prøvetur denne helga. Utstyrsprøvetur. Det er fire ting som er under utprøving denne gongen: søvepøse, laptop, ryggsekk, og motorsykkeljakke.

Søvepøse

Soveposen er ein fluffy sak frå ein norsk produsent som heiter Isbjørn. Modellen heiter Barents, og har ein veiledande komforttemperatur på -10 grader celsius.

TEST: Villmarksliv har testet 10 soveposer for kaldt vær.
TEST: Isbjørn Barents

Dei fleste oppegåande friluftsmennesker vil nok seie at dette er noko “over the top” til bruk i sommerhalvåret. Eg er tilbøyeleg til å være einig i det, spesielt hvis ein er opptatt av å spare vekt og volum. Dinna søvepøsen veg 2.5kg, og den tek god plass i sekken. Omlag 15 liter må til for å få plass til den i komprimert tilstand. På ein motorsykkel er dette heilt overkommelig, men om ein skal gå langt så er nok dette i overkant.

Men guri for ein komfortabel søvepøse! Eg ligg og kosar meg i den akkurat no medan eg skriv dette, og eg tvilar ikkje på at den er tilstrekkelig i temperaturar som er langt lavare enn dei beskjedne 4 gradene i lufta ved Aursjøen nett no. Kontrasten til den andre søvepøsen min, ein lettvekts sommerpose, er stor. Akkurat kor gøtt eg søv i denne veit eg ikkje før i morgon, men so langt set eg stor pris på dei romslige dimensjonane og den solide konstruksjonen. Prisen er heller ingenting å bli skremt av. 1295,- betalte eg, inkludert frakt.  Slå den! Og servicen hos dei ansatte hos Isbjørn er framifrå.

Laptop

Laptopen eg har med meg er ein sokalla Acer Aspire V3 112P. Bak dette kryptiske namnet kan eg avsløre at det skjuler seg ein lettvekts bærbar datamaskin med 11.6″ touchskjerm, Intel N2940 Quad Core på 1.83GHz, 8GB RAM og 256GB SSD frå Plextor. Batteritida er heilt rå, og dette er også ein av dei viktigste faktorane for min del. Opptil 10 timar har den klart å holde seg gåande i Power Saver-modus. Og om eg skulle trenge det, so har den nok kraftreservar til å kunne gjere middels avansert videoredigering utan å miste pusten. Men hovedbruksområdet vil nok være bildebehandling og skriving — som er det eg nyttar den til nett no.

maxresdefault

Laptopen veg omlag 1.2kg med SSD-disk, og tek lite plass i sekken. Og ved å bruke tethering på mobiltelefonen får eg delt internettlinja der dette er tilgjengelig. Sidan eg har 20GB tilgjengelig på mobiltelefonabonnementet mitt blir eg veldig “mobil” med dette oppsettet, og i dei områda der 4G er tilgjengelig er faktisk hastigheten veldig bra.

Eg kjøpte denne laptopen for 2400,- på tebød, men du får sikkert noko enda betre for ein tilsvarande pris no.

Ryggsekk

Ein ryggsekk er kjekt å ha når ein er på motorsykkeltur, og denne gongen testar eg ut ein litt ekstra stor sekk på 50 liter. Sekken er ein billig sak eg kjøpte på Sparkjøp — billig fordi at eg veit at den kjem til å bli nedsausa med regn, søle og støv gjentatte gonger, og fordi den treng ikkje være spesielt lett. So langt har den vore forbausande god i bruk. Eg trudde den ville bli litt stor og upraktisk, men langt derifrå. Har du fysst med deg sekk på MC-tur so har tydeligvis storleiken mindre betydning. Det solide midjebeltet og den stive konstruksjonen gjer det faktisk ganske behagelig å ha den på også.

8800184172574_L_614104_59780_jpg

Konstruksjonen forøvrig virkar bra, og den veg berre 1.8kg, so for 499,- er det eit heilt greit kjøp.

Motorsykkeljakke

Eg er ein storforbrukar av motorsykkeljakker, og nyttar difor høvet når eg må kjøpe ny til å teste ut nye og spennande modellar frå produsentar du aldri har høyrt om. Eg er ein regelrett MC-jakke-hipster. Denne gongen er det ei High-Viz-jakke frå My Bike Solutions som heiter MJ-21 som blir prøvd ut, og førsteinntrykket er faktisk ganske bra. Eg kjøpte den for £59 frå England, og til den prisen (+ MVA) er den heilt fjong til mitt lille bruk. Turen nedover Sunndalen i dag var prega av styrtregn, men jakka takla det bra og holdt meg tørr heile vegen ned til Statoil på Sunndalsøra. Korleis den taklar varmt veir gjenstår å sjå, men det er ikkje mangel på lufteåpningar iallfall.

15cafc49-59ee-4dc9-8aa2-01ff2113e75e

 

Den største fordelen med ei slik jakke er at ein blir veldig synleg i trafikken. Etter at eg byrja å nytte hiviz-utstyr virkar det for at fleire bilistar ser meg tidligare, og det blir færre artige situasjonar med vikepliktsbrudd o.l.

Men  det var vel eigentleg det. No skal eg krølle meg saman i Isbjørn-pøsen min og drøyme om Laksefjordvidda. So far, so good.

DSC_0171 (1)

God natt frå Aursjøen!

 

Turplanlegging

my-very-first-blog-and-planning-the-big-adventure-1[1]August er ein fin månad. Stabilt veir, passelig temperatur, litt mindre mygg og litt mindre turistar. Fine forhold for motorsykkeltur, altså! Difor kjem eg til å ta to veker ferie i byrjinga av august for å reise på tur. Laaang tur. Og det betyr også at denne bloggen vaknar til live igjen.

Planen er i fysste omgong å tilbringe nokre dagar på Laksefjordvidda. I utgangspunktet tenker eg å køyre innover anleggsvegen ved Adamselv, men det finst fleire innfallsportar om det skulle bli behov for det. Uansett so skal eg rusle innover vidda på leit etter storfisk. Når eg har fått nok av det, so vender eg nok snuten noko sørover, for eksempel til Senja. Men kva som skjer etter det har eg ikkje tenkt so mykje på enno.

Pakklista so langt inkluderar blant anna telt, sovepose, liggeunderlag, fiskeutstyr, myggmelk, lommelykt, regnkle, fotoapparat og tripod, ein liten laptop, kniv og tursag, kokeutstyr, og litt ymse andre ting.

Så ja, planlegginga er iallfall i gong! Omlag to veker til avreise frå i dag! :)

Stetind

DSC04124 (Custom)
Kveldssol over Stefjorden.

DSC04133 (Custom)

Stetind innhylla i formiddagsskyer. Heldigvis letta dei ganske kjapt når sola kom fram.

DSC04135 (Custom)
På tur oppover var det klårt og veldig fint. Dessverre skya det gradvis over.
DSC04137 (Custom)
Ser du jagarflya?
DSC04139 (Custom)
Kan du forestille deg lyden av to F16 som flyr rundt Stetind? Ikkje eg heller, før det skjedde.
DSC04163_stitch (Custom)
Gamle stolte Stetind. Dette er eit panorama sett sammen av 5 bilete tatt i portrettformat. Biletet er teke frå varden. Følelsen av å stå der oppe er god, veldig god :)
Utsikta frå toppen ned mot vatnet.
Diamant frå Stetind.
På veg nedover kom uveiret sigande. Her var det berre å kome seg nedatt til motorsykkelen.

Supercelle over Fauske

Då supercella kom til Fauske.

Frå Wikipedia:

En supercelle er et kraftig tordenvær med kraftig roterende og stigende luftbevegelser (en mesosyklon). Superceller er det største og kraftigste av forskjellige typer tordenvær som kan oppstå. I tillegg til superceller finnes det enkeltceller (en enkel tordensky), multiceller og bygelinjer.

Mi fysste og forhåpentligvis ikkje siste supercelle. Den kom litt brått på, men fekk knipsa nokre lyn likevel. Det blas og regna voldsomt mens det stod på, noko som gjorde det litt vanskelig å fotografere. Eg er heller ikkje spesielt trent på å fotografere lyn, so eg måtte berre gjette på korr mykje eg skulle eksponere. Det første biletet blei voldsomt overeksponert, men nede til venstre kan ein likevel sjå eit heftig lyn som slo ned ganske nært.

DSC04064

På dei to andre nokonlunde brukbare bileta traff eg litt betre med eksponeringa.

DSC04079

DSC04083

Ei heftig opplevelse. Eg sovna litt seinare enn vanleg den natta :)

Marmorslottet i Mo i Rana

Dette er den første posten i ein serie med bildepostar frå turen til Nord-Noreg sommaren 2014. Desse bileta er teke i Marmorslottet i Mo i Rana.

Frå Wikipedia:

Marmorslottet i Rana er et område cirka 45 minutter fra Mo i Rana, der løse bergmasser som kalk, gjennom tusenvis av år har er blitt vasket ut i elven. Vannet har opp gjennom årene dannet flere huler, jettegryter og formasjoner i berget.

Vassføringa var veldig stor då eg var der, så eg fekk berre sjå ein liten del av formasjonane som skjular seg under vassmengdene. Men det var imponerande nok. Neste gong skal eg vitje dette området i ei tid på året der vassføringa er liten, enten tidlig vår eller sein haust.

DSC04026

DSC04028

DSC04030_Cropped

DSC04032

DSC04035 DSC04040

Nonstind og Steinetinden

Etter eit opphold på vandrarheimen i Kabelvåg suste eg vidare til Ballstad. For å utnytte det fine veiret i Lofoten gjekk eg opp på to toppar til, Nonstind i Ballstad og Steinetinden i Stamsund.

Nonstind

Denne fjellturen starta rett ved Kræmmervika Rorbuer der eg hadde leigd meg inn for natta. Råsa er middels bratt i byrjinga, deretter kjem ein opp på Ballstadheia der det er flatt og fint med lett stigning eit godt stykke. Eg gjekk langs kanten på høgre side, og hadde fin utsikt mot Skottinden undervegs.

DSC_0729

Når ein har gått heia til endes er det eit lite parti til med stigning før ein er på toppen.  Nonstinden er heller ikkje spesielt høg, 459 moh. Men når ein byrjar frå havnivå so blir det ein fin trimtur likevel.  Her ser ein mot Skottind igjen.

DSC_0736

Og i motsatt retning, mot sjøen.

DSC_0737

Då eg etter ei kort tid blei lei av fotografering og glaning mot horisonten jogga eg ned igjen mot Kræmmervika. Etter ein kjapp dusj blei det kvalbiff, pils og ein irish coffee til middag. Seinare på kvelden kom eg i prat med eit trivelig tysk reisefølge som også var i Lofoten for å gå i fjellet. Ein av dei var sivilingeniør og arbeidde som prosessledar hos ein stålprodusent. Dei hadde mange norske kundar, spesielt innan oljesektoren. Vi fann mange interessante tema å diskutere innanfor business, fysikk og kjemi. Men det er ikkje til å stikke under ein stol at emna sklei litt ut etterkvart som kvelden glei over i natt.

Og neste dag var det ein ny tind som stod på agendaen.

Steinetinden

Tipset om Steinstinden fekk eg frå Trond-Eirik, ein kollega som er oppvokst i nærområdet. Steinstind kneisar over den vesle tettstaden Stamsund, og byr på ein spektakulær tur hvis ein går heile “runden”.

Turen eg gjekk startar ved skiheisen i Stamsund. Eg fulgte skitrekket til topps, som ledar opp til Sørheia. Derfrå er det berre å følge ryggen utover mot Steinstind. Det går litt opp og ned, så turen kan fort ta lengre tid enn ein først hadde tenkt. Men kva gjer vel det når ein har kremutsikt over Lofoten både sørover og nordover medan ein kavar seg bortetter råsa.

DSC_0744

 

Ved den nest siste toppen før Steinetinden ser ein at det kjem til å bli bratt.

DSC_0745

 

Faktisk so bratt at det har blitt satt inn boltar i fjellet og trekt opp kjetting over dei verste kneikane.

DSC_0747

 

Ikkje sjå ned (; Faktum er vel at det neppe er naudsynt med desse tiltaka med mindre det er glatt og sleipt.

Rett før eg nådde toppen møtte eg ei hyggelig dame frå Sveits. Dei var på Noregsferie for å sende avgarde dottra si på folkehøgskule i Selbustrand. Eg spurte ho litt om forhold for fjellturar og motorsykkelkøyring i sør-Sveits i slutten av september, og ho meinte det burde være ei veldig god tid på året for slike aktivitetar. Men helst ikkje seinare enn slutten av september. Note taken. Vi får sjå kva Hondaen trur om ein gølsen tur til alpane i haust.

Frå toppen vanka det som vanleg topp utsikt.

DSC_0748

DSC_0749

 

Eg tok meg tid til å lufte skotøyet og sole meg litt oppe på toppen. Det var nesten vindstille og ikkje ei sjel i nærleiken. Det er faktisk mogleg at eg duppa av litt.

Turen nedatt gjekk over Mannefallet (jepp, en kar ramla visst utfor der ein gong) nedatt til Stamsund. Eg fulgte ei lysløype rundt Stor-Svarholtvatnet attende til Africa Tøyta som stod og venta ved skitrekket der eg hadde starta turen. Deretter køyrte vi sporenstreks til Joker-butikken i Stamsund og fylte opp med farris og ein banan før turen gjekk tilbake til Kræmmervika og ein lekker kveitemiddag.

Seinare på kvelden kom eg i prat med eit triveleg ektepar frå Taiwan. Eg fekk faktisk ein kort leksjon i gammel-kinesisk og ny-forenkla-kinesisk, inkludert nokre anekdoter om korleis symbolikken har utvikla seg. For eksempel skrivst forskjellige typar fisk med to symbol: ein “shape” (form), og ein “sound” (lyd). Dei viste meg også korleis “Andreas” blei skreve fonetisk på kinesisk, og kva dei individuelle symbola kunne bety i andre sammenhengar. For eksempel er symbolet for stabilitet ei kvinne i eit hus. Who knew? :)

Svolvær og Blåtinden

Endelig er det blitt skikkelig fineveir! Skyfri himmel og passande temperatur. Yr påstår at det skal forbli slik i nokre dagar, iallfall her i Lofoten. For jo, det ser ut til å bli ein ny tur gjennom Lofoten. Forrige gong var i 2012. Det vil seie at eg kjem til å ende opp i Moskenes og ta ferja over til Bodø. Men ikkje heilt endå.

I dag var eg på Blåtinden, ein topp på omlag 600moh som ruvar over sentrum av Svolvær, Lofotens hovedstad (som dei kallar seg).

Turen opp er litt bratt, men kort. Eg tok den lange ruta over den kvasse ryggen som går frå Tuva. Det er ekstra spennande sidan ein får brukt seg litt. Den vanlige ruta er meir direkte og vesentleg kortare i både tid og distanse.

Eg kom over denne fine og smale skåra på veg oppover. Det går an å klive opp/ned gjennom den hvis ein føler for det.

image

Frå toppen har ein fin utsikt over Svolvær og omegn.

image

image

image

image

Etter diverse fotografering tok eg den korte ruta nedatt sidan det var byrja å bli seint.

I morgon går turen vidare til Ballstad. Der skal eg muligens prøve meg på Skott-tind (etter tips frå ein lokal tinderanglar eg møtte oppe i lia).

Generelt så har veir, fysisk form og omstendighetar dei siste dagane samanfalt og gjort denne turen ganske so bra. Kanskje til og med litt betre enn eg hadde von om. Det hadde eg kanskje ikkje trudd for berre nokre få dagar sidan :)

Hvis det mot formodning ikkje blir fjelltur i morgon so blir det kanskje fisking og eit bål i fjæra istaden. Greit å veksle litt på det. Kanskje lage ei lita fiskesuppe også.

Natti!