Tag Archives: Advrider

Stetind

DSC04124 (Custom)
Kveldssol over Stefjorden.

DSC04133 (Custom)

Stetind innhylla i formiddagsskyer. Heldigvis letta dei ganske kjapt når sola kom fram.

DSC04135 (Custom)
På tur oppover var det klårt og veldig fint. Dessverre skya det gradvis over.
DSC04137 (Custom)
Ser du jagarflya?
DSC04139 (Custom)
Kan du forestille deg lyden av to F16 som flyr rundt Stetind? Ikkje eg heller, før det skjedde.
DSC04163_stitch (Custom)
Gamle stolte Stetind. Dette er eit panorama sett sammen av 5 bilete tatt i portrettformat. Biletet er teke frå varden. Følelsen av å stå der oppe er god, veldig god :)
Utsikta frå toppen ned mot vatnet.
Diamant frå Stetind.
På veg nedover kom uveiret sigande. Her var det berre å kome seg nedatt til motorsykkelen.

Marmorslottet i Mo i Rana

Dette er den første posten i ein serie med bildepostar frå turen til Nord-Noreg sommaren 2014. Desse bileta er teke i Marmorslottet i Mo i Rana.

Frå Wikipedia:

Marmorslottet i Rana er et område cirka 45 minutter fra Mo i Rana, der løse bergmasser som kalk, gjennom tusenvis av år har er blitt vasket ut i elven. Vannet har opp gjennom årene dannet flere huler, jettegryter og formasjoner i berget.

Vassføringa var veldig stor då eg var der, så eg fekk berre sjå ein liten del av formasjonane som skjular seg under vassmengdene. Men det var imponerande nok. Neste gong skal eg vitje dette området i ei tid på året der vassføringa er liten, enten tidlig vår eller sein haust.

DSC04026

DSC04028

DSC04030_Cropped

DSC04032

DSC04035 DSC04040

Nonstind og Steinetinden

Etter eit opphold på vandrarheimen i Kabelvåg suste eg vidare til Ballstad. For å utnytte det fine veiret i Lofoten gjekk eg opp på to toppar til, Nonstind i Ballstad og Steinetinden i Stamsund.

Nonstind

Denne fjellturen starta rett ved Kræmmervika Rorbuer der eg hadde leigd meg inn for natta. Råsa er middels bratt i byrjinga, deretter kjem ein opp på Ballstadheia der det er flatt og fint med lett stigning eit godt stykke. Eg gjekk langs kanten på høgre side, og hadde fin utsikt mot Skottinden undervegs.

DSC_0729

Når ein har gått heia til endes er det eit lite parti til med stigning før ein er på toppen.  Nonstinden er heller ikkje spesielt høg, 459 moh. Men når ein byrjar frå havnivå so blir det ein fin trimtur likevel.  Her ser ein mot Skottind igjen.

DSC_0736

Og i motsatt retning, mot sjøen.

DSC_0737

Då eg etter ei kort tid blei lei av fotografering og glaning mot horisonten jogga eg ned igjen mot Kræmmervika. Etter ein kjapp dusj blei det kvalbiff, pils og ein irish coffee til middag. Seinare på kvelden kom eg i prat med eit trivelig tysk reisefølge som også var i Lofoten for å gå i fjellet. Ein av dei var sivilingeniør og arbeidde som prosessledar hos ein stålprodusent. Dei hadde mange norske kundar, spesielt innan oljesektoren. Vi fann mange interessante tema å diskutere innanfor business, fysikk og kjemi. Men det er ikkje til å stikke under ein stol at emna sklei litt ut etterkvart som kvelden glei over i natt.

Og neste dag var det ein ny tind som stod på agendaen.

Steinetinden

Tipset om Steinstinden fekk eg frå Trond-Eirik, ein kollega som er oppvokst i nærområdet. Steinstind kneisar over den vesle tettstaden Stamsund, og byr på ein spektakulær tur hvis ein går heile “runden”.

Turen eg gjekk startar ved skiheisen i Stamsund. Eg fulgte skitrekket til topps, som ledar opp til Sørheia. Derfrå er det berre å følge ryggen utover mot Steinstind. Det går litt opp og ned, så turen kan fort ta lengre tid enn ein først hadde tenkt. Men kva gjer vel det når ein har kremutsikt over Lofoten både sørover og nordover medan ein kavar seg bortetter råsa.

DSC_0744

 

Ved den nest siste toppen før Steinetinden ser ein at det kjem til å bli bratt.

DSC_0745

 

Faktisk so bratt at det har blitt satt inn boltar i fjellet og trekt opp kjetting over dei verste kneikane.

DSC_0747

 

Ikkje sjå ned (; Faktum er vel at det neppe er naudsynt med desse tiltaka med mindre det er glatt og sleipt.

Rett før eg nådde toppen møtte eg ei hyggelig dame frå Sveits. Dei var på Noregsferie for å sende avgarde dottra si på folkehøgskule i Selbustrand. Eg spurte ho litt om forhold for fjellturar og motorsykkelkøyring i sør-Sveits i slutten av september, og ho meinte det burde være ei veldig god tid på året for slike aktivitetar. Men helst ikkje seinare enn slutten av september. Note taken. Vi får sjå kva Hondaen trur om ein gølsen tur til alpane i haust.

Frå toppen vanka det som vanleg topp utsikt.

DSC_0748

DSC_0749

 

Eg tok meg tid til å lufte skotøyet og sole meg litt oppe på toppen. Det var nesten vindstille og ikkje ei sjel i nærleiken. Det er faktisk mogleg at eg duppa av litt.

Turen nedatt gjekk over Mannefallet (jepp, en kar ramla visst utfor der ein gong) nedatt til Stamsund. Eg fulgte ei lysløype rundt Stor-Svarholtvatnet attende til Africa Tøyta som stod og venta ved skitrekket der eg hadde starta turen. Deretter køyrte vi sporenstreks til Joker-butikken i Stamsund og fylte opp med farris og ein banan før turen gjekk tilbake til Kræmmervika og ein lekker kveitemiddag.

Seinare på kvelden kom eg i prat med eit triveleg ektepar frå Taiwan. Eg fekk faktisk ein kort leksjon i gammel-kinesisk og ny-forenkla-kinesisk, inkludert nokre anekdoter om korleis symbolikken har utvikla seg. For eksempel skrivst forskjellige typar fisk med to symbol: ein “shape” (form), og ein “sound” (lyd). Dei viste meg også korleis “Andreas” blei skreve fonetisk på kinesisk, og kva dei individuelle symbola kunne bety i andre sammenhengar. For eksempel er symbolet for stabilitet ei kvinne i eit hus. Who knew? :)

Svolvær og Blåtinden

Endelig er det blitt skikkelig fineveir! Skyfri himmel og passande temperatur. Yr påstår at det skal forbli slik i nokre dagar, iallfall her i Lofoten. For jo, det ser ut til å bli ein ny tur gjennom Lofoten. Forrige gong var i 2012. Det vil seie at eg kjem til å ende opp i Moskenes og ta ferja over til Bodø. Men ikkje heilt endå.

I dag var eg på Blåtinden, ein topp på omlag 600moh som ruvar over sentrum av Svolvær, Lofotens hovedstad (som dei kallar seg).

Turen opp er litt bratt, men kort. Eg tok den lange ruta over den kvasse ryggen som går frå Tuva. Det er ekstra spennande sidan ein får brukt seg litt. Den vanlige ruta er meir direkte og vesentleg kortare i både tid og distanse.

Eg kom over denne fine og smale skåra på veg oppover. Det går an å klive opp/ned gjennom den hvis ein føler for det.

image

Frå toppen har ein fin utsikt over Svolvær og omegn.

image

image

image

image

Etter diverse fotografering tok eg den korte ruta nedatt sidan det var byrja å bli seint.

I morgon går turen vidare til Ballstad. Der skal eg muligens prøve meg på Skott-tind (etter tips frå ein lokal tinderanglar eg møtte oppe i lia).

Generelt så har veir, fysisk form og omstendighetar dei siste dagane samanfalt og gjort denne turen ganske so bra. Kanskje til og med litt betre enn eg hadde von om. Det hadde eg kanskje ikkje trudd for berre nokre få dagar sidan :)

Hvis det mot formodning ikkje blir fjelltur i morgon so blir det kanskje fisking og eit bål i fjæra istaden. Greit å veksle litt på det. Kanskje lage ei lita fiskesuppe også.

Natti!

Reisefeber

Då var det endeleg ferie, og snart legg eg i veg mot det kalde nord. 2 veker har eg sett av denne gongen. Eit viktig mål for turen er å bestige fortoppen til Stetind endå ein gong, men med von om betre veir. Andre stader eg skal vitje er den nordlege delen av Lofoten, Senja, samt Dividalen og omegn. Eg skal ikkje so langt nord, med andre ord, og tida skal nyttast til friluftsliv og fotografering.

Første stopp blir Glomdalen, Mo i Rana. Her skal eg telte til veiret betrar seg nord for Saltfjellet. Eg satsar på godt fiskeveir og ein svipptur innom Marmorslottet for fotografering. Deretter blir det ein tur til Bodø før eg siktar mot Stetind. Kva som skjer etter det gjenstår å sjå. Antakeleg vil turen gå vidare til Skjomfjellet eller Lofoten, og Senja.

Sykkelen, eller Africa Tøyta som eg kallar ho, er også klar for tur. Ho har fått nye sko (dekk), nye ekstralys, olje- og filterskift, nytt kjede og drev, ny bremseskive og klossar bak. I tillegg er det mange små og store issues som er blitt fiksa på. Dei siste vekene har eg omlag mekka meg lei. Dyrt er det og.

Men resultatet er blitt bra. Ho ser framleis flott ut trass alderen på 21.5 år.DSC04005

 

DSC04006

 

 

 

DSC04009

 

 

Eg oppdaga forresten i dag at kameraet mitt, eit Sony RX100, tek ypperlige IR-foto. Sjølv i overskya ettermiddagsveir er bildebrikka så sensitiv at autofokus fungerar heilt fint. Med sol og eit interessant motiv så trur eg dette blir kjekt. Men inntil vidare — her er ein XRV 750 fotografert med IR-filter (;

DSC04022

 

Avreise blir veldig snart. Undervegs kjem eg til å oppdatere bloggen med crappy mobilbilete, som i fjor ;)

Odometeret syner no 79713 km. Away, silver!

Jotunheimen Rundt, Encore

Eit lite appendix til forrige post, men denne gongen med bilete frå minnebrikka på fotoapparatet heller enn frå mobiltelefonen, samt litt kontekstualiserande tekst til bileta.

Sognefjellet og Skålavatnet

Turen starta for min del i Trondheim, og med unntak av ein liten hold-up på Dovrefjell, var det rake vegen til Jotunheimen. Dette blei mi fysste passering av Sognefjellet på denne turen.

DSC02906

DSC02908

 

Sidan det ante meg at eg hadde litt god tid til møtet med Steffen på Turtagrø, drista eg meg til å gjere litt rekognosering først. Eg fann dette trivelige skiltet, og bestemte meg for å utforske.

DSC02912

 

Score! Denne vegen synte seg å lede rett fram til Skålavatnet, eit regulert vatn/magasin med gode forhold for fricamping (Steffen kallar det villcamping, men eg tykkjer det høyrest litt usivilisert ut).

DSC02928

 

Ein liten sideveg førte opp til ei servicesjakt av noko slag. Her var det temmelig høge brøytekantar, og fabelaktig dårleg veistandard som berre eit kraftselskap (og motorsyklistar) kan elske.

DSC02932

DSC02934

 

Det var tilsynelatande mykje rype i området. Eg såg også ein hauk som jakta på lemen, antakeleg med stort hell med tanke på mengden av desse småkrypa ein kunne sjå langsmed vegen.

DSC02935

DSC02939

 

Eg knipsa eit lite oversiktsbilete før eg snudde tilbake mot Turtagrø.

DSC02941

 

På Turtagrø var det litt meir triveleg temperatur, so vi tok 10 minutt i sola med kaffi og Pepsi før vi dura opp på fjellet igjen.

DSC02943

 

Vel framme ved Skålavatnet igjen oppdaga vi at den beste plassen for camping var innesperra av snø. Den mest praktiske vegen for syklane våre blei difor vannvegen. På impuls heiv vi oss ut i isvatnet, og det gjekk faktisk overraskande fint. Her er Steffen i fint driv over Pilestredet (“pile” fordi det pilte eit lemen over snøen, og “stredet” fordi sjekk ordboka).

DSC02945

 

Campen var av den enkle sorten — ein lett presenning på 2.8mx3.5m blei spent opp mellom eit varselskilt og ein veirstasjon (unnskyld Luster Energiverk).

DSC02958

 

Matmessig kom eg totalt uforberedt, men heldigvis hadde Steffen sørga for proviant. Eingongsgrillen blei fyrt opp og vi gomla i oss pølse og potetsalat til middag. Til dessert blei det ei skjeve med Nugatti og  kaffi. Utover ettermiddagen fekk vi selskap av lemen, løvsnapper, og ei humle.

DSC02946

 

Og litt seinare på kvelden dukka det opp eit (kanskje i overkant) snakkesalig rypekjærestepar.

DSC02948

DSC02950

Vi freista også fiskelukka, men det var ikkje lett å få fisken til å bite i dette vatnet. Men fisk er der, for vi såg nokre få vak medan vi var der.

Og det er omlag det siste eg hugsar før eg sovna i den kjempevarme sommersoveposen min. Det blei faktisk ikkje kaldare enn 3.2 grader den natta, men det rakk å fryse litt tynn is på vatnet grunna dei store isflaka som duppa rundt i overflata.

Natta gjekk fort, og morgonen etter blei det fort lyst då sola kom opp. Etter ein kopp kaffi og nokre skjever pakka vi sammen campen

DSC02956

 Juvvasshytta

Turen gjekk vidare over Sognefjellet mot Bøverdalen og Lom, men først suste vi ein tur opp til Juvvasshytta på 1845 moh.

DSC02960

I mangel på meir fornuftige ting å gjere på her oppe blei det mest leiking i dammar.

DSC02964 DSC02966

Utsikta nedover mot Bøverdalen var upåklageleg, spesielt for oss som er langsynte.

DSC02968

DSC02970

 

Då vi var ferdige med øsebyene oppe ved Juvvatnet (og etter at eg satte meg fast i bommen (dvs. ved sidan av bommen (det er gratis for motorsyklar))) fortsatte vi nedover Bøverdalen. Først blei det ein liten fotoshoot ved Bøvra. Steffen gjorde seg lekker for kameraet og vakte stor interesse blant lokalbefolkninga i dalføret.

 

 

DSC02973

DSC02976

Herfrå gjekk turen innom Bakeriet på Lom, og deretter dundra vi nedover mot Vågå og tok av mot Valdresflye. Før vi kom so langt tok vi nokre fiskestoppar. Først i nærleiken av Lemonsjøen.

DSC02979

Deretter ved Gjendesheim.

DSC02983

Vi fekk dog ingenting. Legg merke til motorsykkeluteliggaren til venstre i biletet (og forsåvidt til høgre i biletet).

På Beitostølen brukte vi LANG tid på å finne ein høveleg plass å campe, men etter å ha kome på kant med lokalbefolkninga bestemte vi oss for å kapitulere og sette kursen mot Filefjell. Vi endte opp på ein prima campingplass på Vang som heiter Bøflaten Camping. Betjeninga var veldig hjelpsom og hyggeleg, og kunne til og med skilte med sidestøtteplater i stål til motorsyklane våre.

Til middag blei det entrecote med maiskolber, tomat, løk og ein pils. I mangel på biffkniv i eingongsbestikket vi hadde tilgjengelig gjekk Steffen drastisk til verks, både når det gjaldt pådekking og smekke.

DSC02988

La du merke til kniven? Ikkje? La meg zoome inn for deg.

kniven

 

Serrriøst Steffen, det der er litt overkill!

Årdal, Tindevegen og heimatt

Frå Vang køyrte vi over Filefjell til Årdalen. Nedkøyringa mot Øvre Årdal er spektakulær, det er uhyggeleg bratt på den andre sida av autovernet. Utsikta er dog heilt fabelaktig.

DSC02990

DSC02992

I sentrum køyrte vi kvar vår veg, Steffen fortsette sørvestover mot Bergen, medan eg rauk opp på fjellet igjen. Først over Tindevegen mot Turtagrø, deretter over Sognefjellet (for tredje gong) mot Trondheim. Her ser ein Turtagrø i det fjerne.

DSC03000

DSC03005

Og her kan ein skimte Store Skagastølstind m.m.

DSC03007

 

Flåklypa Grand Prix

På veg ned mot Lom køyrte eg midt oppi Flåklypa Grand Prix, landets største veteranbilløp. Eg fekk ikkje knipsa so mange bilete, men eg kan forsikre dykk om at det var umåteleg mange veteranbilar, -syklar, -traktorar og -lastebilar der.

DSC03018

DSC03016

DSC03014

DSC03012

Det var alt eg hadde for denne gong. Takk for turen! I morgon blir det biltur til Nordfjord, men med fokus på heimekontor og forhåpentlegvis reparasjon av startclutchen på Yamaha XTZ 660’en til paps.

 

Jotunheimen rundt

Eg og Steffen møttest på Turtagrø igår ettermiddag rundt kl. 17. Derfrå gjekk turen opp på Sognefjellet og vidare innover på ein anleggsveg som leda fram til Skålavatnet, som vi overnatta ved.

Kaldaste temperatur om natta var på 3.2 grader, so sommarposen min blei litt kald på tåtuppane :)

I dag tidlig var vi på beina i 8-tida, og heiv i oss ei skive med NUGATTI. Deretter gjekk turen vidare over Sognefjellet, ned Bøverdalen, og opp til Juvasshytta. Etter litt shenanigans der oppe suste vi ned til Lom og meska oss med lunsj på Bakeriet.

Deretter sette vi kursen mot Valdresflya, men før vi kom so langt blei det ein kort fiskestopp i nærleiken av Lemonsjøen. Ein fin aure kom på land, men so blei det stilt. Neste stoppestad blei Gjendesheim, kor vi også freista fiskelukka utan hell. Ein whiskeydrikkande motorsykkeluteliggar frå Nederland fekk fisken vi tidligare hadde fanga (som han blei merkeleg takknemlig for), og so suste vi vidare over Valdresflya for realz. På Beitostølen handla vi litt supplies og starta jakta etter ein fin plass å slå leir for natta.

Diverre fant vi ikkje noko brukbart (med unntak av den staden der vi blei kjeppjaga av ein bonde), so vi endte opp på ein triveleg campingplass på Vang. Her har vi meska oss med velfortjent entreçote og pils.

I morgon susar vi vidare langs E16 til Årdal korr vi skiljer lag for denne gong. Deretter blir det ein tur over Sognefjellet for tredje (!!) gong denne helga for min del :)

Og ingen turblogg utan bilder, her er eit lite knippe frå dei siste to dagane. Meir kjem seinare. Blant anna eit kult bilete av Steffen som vadar med motorsykkelen, og ei rype som heldt oss med selskap i natt. Følg med, følg med..

image

image

image

image

image

image

image